Programación

DESCRIPCIÓN DEL ESPECTÁCULO:

Ehun urtean zehar, #VictoriaEugenia Antzokia Gipuzkoako sare sozial aktiboenetako bat bihurtu da, gizarte-talde eta kolektibo oso desberdinak bildu ditu, eta laborategi bat izan da loturak garatu, talentuak hezi eta jaialdi handiak sortzeko bidea eman duena; gero eskualde osora hedatu diren jaialdiak, eta Donostia nazioartean kokatzen lagundu dutenak.

Zenbaiten ustez, XX. mendeko europar antzoki garrantzitsuenetako bat da Victoria Eugenia, eta erakusketa honek islatzen du nolako gaitasunez egokitu den bizitzea tokatu zaizkion garaietara, sortu zenetik gaur egun arte.

Erakusketa honek ibilbide kronologiko bat eskaintzen du antzokian izandako gertaera garrantzitsuenetan zehar; horrekin batera, antzokiaren hormen artean geratu diren milaka historia pertsonalen arteko batzuk berreskuratu ditu protagonista ezberdinen ahotik.

Antolatzailea: Donostia Kultura.

Ekoizpena: Donostia Kultura, Morgancrea.

Laguntzailea: Kutxa Fundazioa.